As neves

As Neves é unha remota vila de montaña onde todo o mundo se coñece. A noite de entroido o grupo de adolescentes do pobo celebra unha festa e colócase con cogomelos por primeira vez. Ao día seguinte espertan coa nova de que Paula, unha das rapazas que estaba na festa, non aparece. Mentres, un temporal de neve chega a vila e vainos deixando incomunicados.

Manu, o ex mozo de Paula e Erea, a súa mellor amiga, séntense culpables e queren pescudar se tiveron algo que ver na desaparición pero non non logran unir as pezas nin saben como manexar as súas emocións.

“As Neves é un retrato da xeración máis hiperconectada da historia pero que á súa vez vive en contornas rurais illadas. Natureza fronte a pantallas. Quería explorar ese contraste e entender como se xestiona desde a axitación adolescente. Como son estes adolescentes? Que lles preocupa? Como afrontan os seus medos?

No caso concreto do filme son rapaces que viven en poboacións dispersas e rodeados de espazos abandonados dos que se apropian. Os seus conflitos son como os de calquera adolescente pero creo que as súas vías de escape son moi distintas e que ás veces, curiosamente, canto máis aberto é o espazo natural no que viven máis pechado se senten en certas situacións. E é que ás veces… pobo pequeno, inferno grande.”

SONIA MÉNDEZ